Les mots surlignés font l'objet d'une note
1Monsieur, par la lettre qu’il vous a pleu m’escripre, ay entendu le contentemant que
2avés receu de nous pour la résolution que je avons prins d’estre hobéissans à vous comandementz.
3Je fis entendre à monsieur de Mirabel, à mon filz de Vercoyrant, de Comps, du Pouet et
4de Roisses, et à tous les aultres gentilshommes de notre relligion, de eslire un gentilhome
5d’entre eux pour aller par devers vous, en cognoissant leur bonne vollonté, comme le m’aviont
6fait entendre. Je pansse qu’ilz l’aront fait comme j’en avoys aussi escript à monsieur de Jargays
7pour le fère entendre aulx aultres gentishommes du Gappanssés et Chanssaur, pour entre
8eux en fère de mesme. Quart pour le regart de mon particullyer, je vous suplye
9très humblemant, Monsieur, croyre tant ma lettre précédante, que la créance que
10je donnay à Bompar, qui la pourta au deffault de mon juge qui ce trova mallade,
11que ne seray aulcunemant double mais poursuyvrai ma première résolution et dellibération
12dès les premières lettres qu’il vous pleut m’escripre, quant mesmes tout le monde ce
13essayeroit de m’esbranler et pratiquer, mais plus tost les conceilheray tousiours de
14prandre le mesme chemin que je foys. Cependant, Monsieur, quant les occasions ce
15présanteront et qu’il vous plerra nous honnorer de vous commandementz, je nous tiendrons
16tousjours prestz à y hobéyr et pour vous faire très humble et agréable service. Qu’est
17l’andret où je prye le Créateur,
18Monsieur, vous donner, en parfaite santé, heureuse et bien longue vye.
19De Montbrun, ce IIIIe décembre 1572,
20votre très humble et plus affectionné serviteur
21Montbrun
22